Forvarnir - yfirlit

Forvarnaáætlun skólans er heildaryfirlit allra þeirra áætlana sem fjalla með einhverjum hætti um forvarnir, heilsu og heilbrigðan lífsstíl. Áætlanirnar eru birtar á heimasíðu skólans. kopavogsskoli.is/hagnytt og eru m.a. Áætlun um fíknivarnir, Slys og slysavarnir, Áfallaáætlun, Eineltisáætlun og Jafnréttisáætlun. Þá er skólinn þátttakandi í verkefni Landlæknisembættisins, Heilsueflandi grunnskóli og starfar samkvæmt stefnunni Uppeldi til ábyrgðar.

Í áætlunum skólans er leitast við að tryggja að nemendur fái m.a. fræðslu um:

• Einelti og hvernig má koma í veg fyrir það

• Heilbrigðan lífsstíl

• Kynfræðslu og fjölbreytileika

• Umferð og umferðaröryggi

• Rafrænt öryggi og hvernig má varast hættur rafrænna samskipta

• Stafræna borgaravitund

• Tannumhirðu og tannvernd

• Ávana- og fíkniefnavarnir

• Slysavarnir

• Líðan og tilfinningar á ólíkum aldri

Markmiðið er að byggja nemendur skólans upp sem sterka einstaklinga með góðan grunn út í lífið. Þeim er kennt og þeir eru hvattir til að:

• Vera sjálfstæðir og taka tillit til skoðana annarra

• Styrkja eigin sjálfsmynd og leita upplýsinga

• Vera meðvitaðir um allt ofbeldi, vinna gegn því og leita hjálpar ef þarf

• Sýna aðgát í umferðinni og velja leiðir þar sem minni hætta er á slysum

• Vera meðvitaðir um hættur internetsins og rafrænna samskipta

• Forðast vímuefni og tileinka sér jákvæðan lífsstíl.

• Hafa jákvæðni að leiðarljósi í lífinu og ræða opinskátt við foreldra sína um sín mál

Þær leiðir sem Kópavogsskóli fer til að tryggja þessa þætti eru:

• Styrkja kennara í allri forvarnafræðslu ólíkra aldursstiga

• Tryggja að forvarnir séu þverfeglegt umfjöllunarefni í skólastarfi

• Viðhalda markmiðum ,,Uppeldis til ábyrgðar” í skólastarfinu

• Styrkja einstaklinga og smærri hópa sem þurfa sérstaka aðstoð

• Vera vakandi fyrir því sem er að gerast í þjóðfélaginu og nýta það sem umræðuefni í skólastarfinu

• Hafa virðingu að leiðarljósi í öllu samskiptum

• Vera opin fyrir áhugamálum nemenda og nýta umræðuna til uppbyggingar.

Til að ná markmiðunum eru eftirfarandi fastir þættir í skólastarfinu:

• Uppeldi til ábyrgðar og sáttahringurinn - allir nemendur

• Samtöl umsjónarkennara við umsjónarnemendur - allir nemendur

• Samtöl námsráðgjafa við alla nýja nemendur - nýir nemendur

• Samskipti skólastjórnenda við einstaklinga og hópa - allir nemendur

• Heimsóknir  - Krakkarnir í hverfinu (forvarnir vegna kynferðisofbeldis) - 2. bekkur

• Vináttuverkefni Barnaheilla - umsjónarkennarar - nemendur í 1. og 2. bekk

• Jákvæð sjálfsmynd - Þorgrímur Þráinsson - 10. bekkur

• Eldvarnir - Slökkvilið höfuðborgarsvæðisins - 3. bekkur

• Stafræn borgararvitund - kennsluráðgjafar menntasviðs - 5. bekkur og eftir óskum kennara

• Rafræn samskipti - kynning á saft.is  - umsjónarkennarar og skólastjórnrnendur - allir nemendur

• Gengið gegn einelti  - allir starfsmenn  - allir nemendur

• Sáttmálar árganga - umsjónarkennarar - allir nemendur

• Kynfræðsla og kynvitund - hjúkrunarfræðingur - aðili frá Samtökin 78 - Sigga Dögg kynfræðingur - nemendur unglingastigs (og eftir óskum kennara)

• Rannsóknir og greining - niðurstöður athugunar  - nemendavendarráð - kennarar og skólastjórnendur - nemendur unglingastigs

• Jákvæð samskipti - sérfræðingar frá KVAN - miðstig með áherslu á 7. bekk

• Jákvæð samskipti - námsráðgjafi - fyrir alla nemendur (eftir óskum kennara)

• Starfsfræðsla - námsráðgjafi - nemendur 10. bekkjar sem hópur og einnig einstaklingssamtöl  

Mikið af frábæru efni er til fyrir öll aldursstig, sumt í bókum og annað rafrænt. Kópavogsskóli er meðvitaður um mikilvægi forvarna og fræðslu og nýtir það efni sem hentar best í hverju tilfelli. Mikilvægt er að leita til utanaðkomandi sérfræðinga ef þær aðstæður koma upp og það er rætt og skoðað með viðkomandi aðilum.

Uppfært í mars 2021.