Kópavogsskóli

Nemendur í 7.-10. bekk hafa verið að vinna í Bræðingsverkefnum frá 19. maí síðast liðnum.

Bókasafnsfræðingur skólans er með lestrarátak þessa dagana fyrir 2. og 3. bekk. Krakkarnir ráða sjálf hvort þau vilji vera með í bókaklúbbnum en langflest vildu vera með. Bókaklúbburinn gengur út á að lesa bækurnar um Binnu B. Bjarna og Jónsa. Þau safna límmiðum í bókaklúbbsbæklinginn sinn, einum límmiða fyrir hverja bók. Þetta gera þau bara á sínum eigin hraða og það er engin krafa um að fylla bókina.

Anna Karen er að æfa borðtennis með ÍFR (Íþróttafélagi fatlaðra í Reykjavík). Anna keppti á Íslandsmóti laugardaginn 10. maí sem haldið var í ÍFR þar sem hún var yngsti keppandinn og var þetta fjölmennasta borðtennismót ÍF í langan tíma.

Nemendur úr grunnskólum Kópavogs kynntu tillögur sínar fyrir bæjarstjórn á fundi bæjarstjórnar í gær, 13. maí. Hugmyndir sem hlutu flest atkvæði á Barnaþingi voru fluttar formlega á fundinum. Auður og Zuzanna í 9. bekk Kópavogsskóla fluttu erindið Hátíð í Kópavogi.